Խրիմյան Հայրիկի անվան դպրոցի շինարարությունը  սկսվել է 1989 թվականին և դպրոցի շինարար-տնօրեն է  նշանակվել Ռուդիկ Հայրապետյանը, ով 1991թվականից մինչև 2003 թվականի դեկտեմբերի 17-ը եղել է   թիվ 41 դպրոցի տնօրեն:  Նշենք, որ Հայաստանում  առաջին  կրթարանն  էր, որը անվանվել էր կաթողիկոսի անունով: Դպրոցի շինարարությունը իրականցրել է Դաղստանի շինարարական կազմակերպությունը (ղեկավար Խամիդով): Վեհափառ կաթողիկոս  Վազգեն I-ը  իր աջակցությունն է ցուցաբերել դպրոցի շինարարության  հարցում: Շինարարության   աշխատանքներին օգնել են նաև արգենտինահայ  և ուրուգվահայ հավատացյալներ: Կրթարանը իր ուսումնական տարին սկսել է 1991-1992 ուս.տարում: Այդ տարի դպրոցում սովորել է 745 աշակերտ: Հետագա տարիներին աշակերտների թիվը հասավ 1300-ի /միայն 7 առաջին դասարան/: Յուրաքանչյուր ուս.տարվա շրջանավարտների 45%-ը ընդունվել է բարձրագույն ուսումնական հաստատություններ: Դպրոցի սաները մշտապես  մասնակցել են տարբեր առարկայական օլիմպիադաների և արժանացել են  մրցանակների: Դպրոցը մեծ հաջողություններ ունի կրթական և սպորտի ոլորտներում: